Santiso Miramontes sigue empeñado en non querer debatir nin explicar nada nos Plenos

A Agrupación Progresista de Abegondo presentou por rexistro xeral duas mociós co fin de ser incluídas no Pleno Ordinario do mes de novembro, que logo se convertiu nun extraordinario ó día seguinte, aínda sen explicar os motivos; e onde unha vez mais, como reiteradamente está sendo a política deste goberno municipal de rexeitar calquer debate, sobre cuestiós que afectan ós veciños de Abegondo.

De seguido publicanse os contidos das mociós presentadas e que o alcalde e o goberno municipal rexeitou nin sequera a incluilas na orde do día nin declarar a urxencia no momento do Pleno.

Aínda así a APdeA sigue a creer no que propón e publica para coñecemento xeral:

O Contido e resúmen das Mociós presentadas foron as seguintes:

1.- PROBLEMAS CO PINTADO DA ESTRADA DE BETANZOS O MESON DO VENTO.-
Moción para que o Concello intermedie con técnicos da Xunta de Galicia, e faga unha xuntanza con representantes veciñais de San Tirso de Mabegondo, Abegondo, Montouto, Folgoso e Viós; para ver "in situ" as posibiliades reales, de variar tramos na sinalización tanto vertical como horizontal, na estrada de Betanzos ó Mesón do Vento, ó seu paso por Abegondo; dado o malestar e graves inconvintes que está ocasionando os usuarios coa nova sinalización.

2.-PROPOSTA DE INCLUSION NO PROXECTO DE SANEAMENTO EN SEIXURRA E SAN ROMAN A CONEXION CO COLECTOR DE CECEBRE.
A APdeA propón que se modifique o proxecto de Saneamento en Seixurra e San Román (Orto), por canto no mesmo non vai diseñado ningunha depuradora. Parece algo increíble cando estamos a falar dunha zona altamente sensible ó estar estos dos núcleos á beira mesmo do Espazo Natural Protexido do Encoro de Abegondo-Cecebre, o cal serve para subministar de auga potable a toda á area metropolitana de A Coruña.
Entendemos que o lóxico, natural e mais económico é conectar este saneamento que se proxecta, co colector xa instalado na veciña parroquia de Cecebre (do Concello de Cambre), o cal verteríase por gravedade á depuradora de Bens que está construíndo o Concello de A Coruña.
Entendemos ademais que é unha boa oportunidade, tendo en conta que o Alcalde de Abegondo está na comisión que leva a xestión de integración do Concello de A Coruña, no Consorcio de As Mariñas, o cal ten coma prioridade a posta en funcionamento da devandita planta depuradora de Bens.
Ademais, o actual goberno municipal está desvirtuando a filosofía do Plan Life, que conqueriu o goberno municipal anterior, dunha axuda de 1.000.000 de euros da Unión Europea, o cal entre outras iniciativas estaba diseñado para construir 2 depuradoras (1 en Xuanzo e 1 en Bordel), en núcleos tradicionais e con asentamento de poboación concentrada. O PP e o PSOE pretenden agora que este tipo de depuradoras, de filtros biolóxicos implantalas á beira mesmo do Encoro de Abegondo-Cecebre.
Agardemos que alguén con sentido común dos socios deste Plan Europeo, é decir, a Consellería do Medio Rural, a Consellería de Medio Ambiente e Emalcsa, fagan ver ós gobernantes de Abegondo do erro que van a cometer.