Centros Sociais en Folgoso e Vilacoba.- Outra demora sen xustificar.

A Agrupación Progresista de Abegondo denuncia a pasividade do goberno municipal de Abegondo para escomenzar as obras de construcción dos Centros Sociais nas parroquias de FOLGOSO e VILACOBA.

Dentro das innumerables preguntas que dende a Agrupación Progresista de Abegondo (APdeA) se lle ven facendo ó goberno municipal presidido polo Sr. Santiso Miramontes, figura a causa pola demora na tramitación diante da Xunta de Galicia, dos expedientes de autorización preceptivo que son necesarios para a construcción dos Centros Sociais das parroquias de Folgoso e de Vilacoba.

Como de todos é ben sabido, non hai resposta, nin verbal nin por escrito. Seguimos estando á espera de que algún día se dignen a dar os mínimos nunca democracia, que é INFORMACION.

Cando este goberno municipal chegou ó poder, por medio da moción de censura do 20 de abril de 2009, atoparonse cunha chea de obras aprobadas e coa financiación suficiente para escomenzar de xeito inmediato a súa execución. (Da situación que se atopaban estos proxectos xa se daba conta ós veciños nunha carta enviada a tódolos domicilios don data 16 de marzo de 2009)

Pois ben. No caso dos Centros Sociais de Folgoso e Vilacoba a situación a 20 de abril de 2009 era a seguinte:

Centro Social de Vilacoba.- Proyecto de obra aprobado polo Concello de Abegondo e pola Deputación Provincial. Incluído no Plan de Obras e Servizos do ano 2008.- Importe total: 70.493,59 euros. Pendiente de autorización por parte da Xunta de Galicia ó estar situado en Solo Rústico. Despois de 9 meses de goberno municipal de Santiso Miramontes non hai indicios de escomenzo das obras, nin sabemos si se remitiu a pertinente documentación e informes as dependencias de Urbanismo da Xunta de Galicia.

Centro Social de Folgoso.- O igual que o anterior, foi aprobado polo Concello de Abegondo e pola Deputación Provincial de A Coruña. Importe total: 60.724,77 euros. Incluído no Plan de Obras e Servizos do ano 2008.- Tamén pendente de autorización da Xunta de Galicia. Neste caso estabase a tramitar a preceptiva deliilitación de Solo de Núcleo (de A Igrexa). Unha vez aprobada esta delimitación pola Xunta, o Concello ten vía libre para executar as obras. Despois de 9 meses non sabemos nin siquera se foi tramitado o expediente de delimitación de núcleo. De ser así, a demora podería ser de anos para ver executada a obra finalmente.

Dende a APdeA, moito nos tememos que o Sr. Santiso Miramontes está tentando demorar estas e outras obras, co fin de dar a entender que é froito da súa xestión a execución das obras.

Pero como a realidade e a verdade non ten mais que un camiño, dende que aquí queremos, unha vez mais, facer chegar ós cidadáns de cómo se atoparon as cousas o Sr. Santiso Miramontes e de cómo as están xestionando.

Agardemos tamén que os veciños, neste caso das parroquias de Vilacoba e Folgoso sexan coscientes da situación que está xenerando o actual goberno municipal sobre esta cuestión.